Welcome Message

Minister of Natural Resources, PSD Chairman Dr Vincent BIRUTA

Mu izina ry’abayoboke b’Ishyaka Riharanira Demokarasi n’Imibereho Myiza y’Abaturage (PSD), nshimishijwe no kubaha ikaze ku rubuga rw’Ishyaka PSD.

Ishyaka Riharanira Demokarasi n’Imibereho Myiza y’Abaturage (PSD), ryishimira ibimaze kugerwaho n’uruhare rukomeye ryagize mu nzego za politiki, imiyoborere, ubutabera, ubukungu n’ imibereho myiza.

Ishyaka PSD riheshwa ishema n’uruhare abayoboke baryo bagize mu bikorwa by’iterambere Abanyarwanda bamaze kwigezaho.

Ishyaka Riharanira Demokarasi n’Imibereho Myiza y’Abaturage (PSD) rifatanyije n’Abanyarwanda bose muri rusange n’abayoboke baryo ku buryo bw’umwihariko, ribijeje ko ritazatezuka ku ntego ryiyemeje arizo : UBUTABERA, UBWISUNGANE, n’AMAJYAMBERE.

Ishyaka PSD riboneyeho gusaba Abanyarwanda gukomera ku ntambwe yatewe mu ubumwe n’ubwiyunge, gukunda igihugu, guharanira imiyoborere myiza no kwitabira ibikorwa by’amajyambere aribyo soko y’imibereho myiza y’Abanyarwanda.

Tubahaye ikaze, ni mucyo dufatanye gutanga ibitekerezo byubaka igihugu cyacu.
Dr. Vincent BIRUTA
Perezida w’Ishyaka PSD